Xəzər Beynəlxalq İnvestisiya Şirkəti (XBİŞ) 2008-ci ilin mart ayında Azərbaycan İnvestisiya Şirkəti və Özəl Sektorun İnkişafı Üzrə İslam Korporasiyası tərəfindən təsis edilmişdir.

 Xəzər Beynəlxalq İnvestisiya Şirkəti şəriət prinsiplərinə zidd fəaliyyət göstərən müəssisələr (spirtli içkilərin, donuz əti məhsullarının istehsalı və s.), habelə ənənəvi maliyyələşdirmə və sığorta xidmətlərini göstərən banklar və sığorta şirkətləri istisna olmaqla, Azərbaycan iqtisadiyyatının qeyri-neft sektorundakı müəssisələrə investisiya qoymaq hüququna malikdir.